तेह्रथुम: तेह्रथुम लालिगुराँस नगरपालिका १ भुल्केबाट ३ थान भरुवा बन्दुकसहित ३ जना पक्राउ परेका छन् । 

पक्राउ पर्नेमा स्थानीय ३५ बर्षीय मनोज गुरुङ, ३४ बर्षीय प्रेम गुरुङ र ३६ बर्षीय राम बहादुर गुरुङ रहेका छन् । हिजो दिउसो सवा १ बजे प्रहरी चौकी लसुनेबाट खटिएको प्रहरी टोलीले उनीहरुलाई पक्राउ गरेको छ । उनीहरुले बन्दुक बोकेर हिडिरहेको अबस्थामा प्रहरीले फेला पारेको जनाएको छ । प्रहरीलाई देख्न साथ भाग्न खोजे पछि उनीहरुलाई नियन्त्रणमा लिएर ईलाका प्रहरी कार्यालय बसन्तपुरबाट थप अनुसन्धान भईरहेको छ ।