खोटाङ: खोटाङको दिक्तेल रुपाकोट मझुवागढी नगरपालिका २ सोल्मामा आफ्नै बुबाको हत्या आरोपमा एक युवा पक्राउ परेका छन् ।

पक्राउ पर्नेमा स्थानीय २८ बर्षीय सुबर्ण राई रहेका छन् । उनले आज बिहान पौने ५ बजे आफ्नै बुबा ७२ बर्षीय चन्द्र बहादुर राईलाई गर्धनमा खुकुरी प्रहार गरी हत्या गरेको प्रहरीले जनाएको छ । जिल्ला प्रहरी कार्यालय खोटाङबाट खटिएको प्रहरी टोलीले सुबर्णलाई सोही वडाको अल्छेढुंगाबाट पक्राउ गरेको जनाएको छ । घटनाबारे थप अनुसन्धान भईरहेको प्रहरीले जानकारी दिएको छ ।