उदयपुर: उदयपुरको बेलका नगरपालिका ८ कोठुबाट गाँजासति एक महिला पक्राउ परेका छन् ।

पक्राउ पर्नेमा भोजपुर हचुवागढी ४ की १९ बर्षीया सुजता मग्राती रहेकी छिन् । उनलाई हिजो आइतबार बेलुका ४ बजे अस्थाई प्रहरी पोष्ट कोठुको टोलीले पक्राउ गरेको हो । दक्षिणतर्फ जादै गरेको बोलेरो पिकअपमा सवार रहेकी मग्रातीको जेब्रा झोलामा लुकाएर ल्याएको १ केजी गाँजा वरामद गरेको हो । मग्रातीलाई ईलाका प्रहरी कार्यालय रामपुर ठोक्सिला लगेर थप अनुसन्धान भईरहेको छ ।