_1704867435.jpeg)
मोरङ: एनआइसि एसिया बैंकको एटिएम बुथमा तोडफोड गरिरहेका २ जना पक्राउ परेका छन् ।
पक्राउ पर्नेमा सुनसरीको दुहवी नगरपालिका ९ का २४ बर्षीय मो. ईम्तियाज र २५ बर्षीय मो. अनिष हुसेन रहेका छन् । मोरङको बुढिगंगा गाउँपालिका २ टंकिसिनवारीमा सरस्वती खड्काको घरमा संचालनमा रहेको एटिएम आज बिहानै पौने ३ बजे तोडफोड गरिरहेको बेला उनीहरु समातिएका हुन् ।
जिल्ला प्रहरी कार्यालय मोरङबाट खटिएको प्रहरी टोलीले दुवैलाई विभिन्न हाते औजारहरुसहित पक्राउ गरेको जनाएको छ । उनीहरुले विभिन्न हाते औजारहरु प्रयोग गरेर तोडफोड गरिरहेको प्रहरीले जनाएको छ । पक्राउ परेका दुवैलाई चोरी उद्योग कसूरमा थप अनुसन्धान भईरहेको प्रहरीले जनाएको छ ।
