धरान: प्रहरीले धरान उप(महानगरपालिका ८ बाट ब्राउन सुगरसहित २ जना पक्राउ गरेको छ । 

बिशेष सूचनाको आधारमा ईलाका प्रहरी कार्यालय धरानबाट सादा पोशाकमा खटिएको प्रहरी टोलीले स्थानीय ३५ बर्षीय बिमल भुजेल र धरान १५ का ४१ बर्षीय आईतराज लिम्बुलाई पक्राउ गरेको हो । उनीहरुको साथबाट ३ ग्राम ब्राउन सुगर र १ बोतल डाईलक्स डि.सी. वरामद भएको प्रहरीले जनाएको छ । पक्राउ परेका दुवैबारे प्रहरीले थप अनुसन्धान गरिरहेको ईलाका प्रहरी कार्यालय धरानले जनाएको छ ।