_1704867435.jpeg)
धरान: प्रतिबन्धित औषधीसहित धरान ११ बाट एक युवा पक्राउ परेका छन् ।
कोठा भाडा लिएर बसोबास गर्ने २० बर्षीय सत्यम दासलाई प्रतिबन्धित औषधी सहित प्रहरीले पक्राउ गरेको हो । हिजो शनिबार दिउँसो साढे १२ बजे बिशेष सुचनाको आधारमा ईलाका प्रहरी कार्यालय धरानको टोलीले उनलाई पक्राउ गरेको हो । प्रहरीले दासको कोठामा लुकाएर राखेको प्रतिबन्धित औषधी सिटाडोल-५० को ३९० क्याप्सुल र स्पास्पेन ३९० क्याप्सुल फेला पारेको जनाएको छ ।
दासको खास घर सप्तरी अग्नीसर कृष्णसरवन ४ हो । उनी हाल धरानमा कोठा भाडामा लिएर बस्दै आएका थिए । पक्राउ परेका दासको थप अनुसन्धान भईरहेको प्रहरीले जनाएको छ ।
