पाँचथर: पाँचथरको याङवरक गाँउपालिका ४  काबेली खोलामा पौडी खेल्न गएका २ जना बालकलाई खोलाले बगाएर बेपत्ता बनाएको छ । 

प्रहरीका अनुसार पौडी खेल्न गएका ६ जना मध्ये २ जनालाई खोलाले बगाएको हो । बेपत्ता हुनेमा १६ बर्षीय लक्ष्मण योङहाङ र १३ बर्षीय बिपल योङहाङ रहेका छन् । हिजो आईतवार दिउँसो साढे १२ बजे ६ जनाको समुहमा पौडी खेल्न गएका थिए । उनीहरु मध्ये लक्ष्मण र बिपल खोलाले बगाएको हो ।

घटनाबारे जानकारी पाएलगत्तै जिल्ला प्रहरी कार्यालय पाँचथरबाट प्रहरी नायव उपरीक्षकको कमाण्डमा उद्दार सामाग्री सहितको प्रहरी टोली घटनास्थलमा गएर खोजतलास भईरहेको प्रहरीले जनाएको छ ।