_1704867435.jpeg)
झापा: झापाको बुद्धशान्ति गाउँपालिका ४ स्थित मेची लोकमार्गमा विपरीत दिशाबाट आइरहेको पिकअप र मोटरसाइकल एकाआपमा ठोक्किदा एक जनाको मृत्यु भएको छ भने एक गम्भीर घाइते भएका छन् ।
प्रहरीका अनुसार लोकमार्गमा उत्तरबाट दक्षिणतर्फ जादै गरेको ना ३ च ४०३३ नम्बरको पिकअप र विपरीत दिशाबा गइरहेको मे ९ प ९२०२ नम्बरको मोटरसाइकल दुर्घटनामा परेको थियो । सोमबार साँझ साढे ६ बजे भएको उक्त दुर्घटनामा मोटरसाइकल चालक ईलाम नगरपालिका ९ का २८ बर्षीय नारायण कार्की र पछाडि सवार ३६ बर्षीय मनिष श्रेष्ठ गम्भिर घाईते भएका थिए ।
दुवै घाईतेलाई उपचारको लागि बि एण्ड सि अस्पताल बिर्तामोड पठाईएको थियो । उपचारको क्रममा चालक कार्कीको राती ७ बजे मृत्यु भएको झापा प्रहरीले जनाएको छ । हाल दुवै सवारी साधन र पिकअप चालक इलामको सन्दकपुर गाउँपालिका १ का ३६ बर्षीय बिरेन्द्र राई ईलाका प्रहरी कार्यालय बुधबारेको नियन्त्रणमा रहेको छ । मोटरसाइकल तिब्रगतिको कारण दुर्घटना भएको प्रहरीको भनाई छ ।
