_1704867435.jpeg)
संखुवासभा: संखुवासभाको खाँदबारी नगरपालिका १ तिलार नयाँबस्तीमा आफ्नै साथीले कुखुरी प्रहार गरि एक युवाको हत्या गरेका छन्।
स्थानीय २४ बर्षीय मुकेस तामाङले सोही स्थान दिदीको घरमा बस्दै आएका २६ बर्षीय पेमा शेर्पालाई खुकुरी प्रहार गरेर हत्या गरेका हुन् । पेमाको खास घर चिचिला गाउँपालिका २ हो । दिदीको घरमा बस्दै आएका पेमाको शव आज बिहान ९ बजे घरदेखी करिब ५०० मिटर दक्षिण खोल्सीमा फेला परेको थियो ।
शव भेटिएको खबर पाएलगत्तै जिल्ला प्रहरी कार्यालय संखुवासभाबाट प्रहरी टोली खटिएको थियो । प्रहरीले मुकेसलाई नियन्त्रणमा लिएर अनुसन्धान गर्ने क्रममा पुरानो रिसिईबीको कारण राती २ बजे आफ्नो घरमा आएको बेला पेमालाई खुकुरी प्रहार गरी गम्भिर घाईते बनाएको प्रारम्भिक अनुसन्धानबाट खुलेको छ ।
