झापा:  झापाको मेचीनगर ३ सिर्जना बस्तीमा एक युवाको करेन्ट लागेर मृत्यु भएको छ । 

स्थानीय ३१ वर्षीय सरोज किसानको करेन्ट लागेर मृत्यु भएको प्रहरीले जनाएको छ । आज दिउँसो साढे २ बजे गंगटे खोल्सामा करेन्ट लगाएर माछा मार्ने क्रममा आफैलाई करेन्ट लागेर उनको मृत्यु भएको जिल्ला प्रहरी कार्यालय झापाले जनाएको छ । उनले हाईटेन्सन लाईनमा तार जोडेर माछा मार्ने प्रयास गरिरहेको बेला करेन्ट लागेको प्रहरीको भनाई  छ।