_1704867435.jpeg)
ओखलढुङगा: मामा घर आएकी ४ बर्षीय बालिकाको जलेर मृत्यु भएको छ ।
सिन्धुलीको फिक्कल ५ बाट ओखढुंगाको मानेभञ्ज्याङ ६ स्थित माइती आएकी समिता राई खड्काको ४ बर्षीया छोरी धन कुमारी खड्काको मामा घरमा जलेर मृत्यु भएको हो । मामा घरमा रहेको गाईगोठमा आज दिउसो १ बजे आगलागी हुँदा बालिकाको जलेर मृत्यु भएको हो ।
मृतकले हातमा लाइटर बोकेर खेल्ने क्रममा अचानक लाईटरबाट आगो सल्केर फुस्को छानो भएको गाईगोठमा आगलागी भएको थियो । सोही आगोमा जलेर बालिकाको मृत्यु भएको जिल्ला प्रहरी कार्यालय ओखलढुङगाले जनाएको छ। आगलागीबाट गोठमा रहेको २ वटा गाई र ४ वटा बाख्राको समेत जलेर मृत्यु भएको छ । घटनास्थलमा प्रहरी टोली खटिएर कानुनी कारबाही भईरहेको जिल्ला प्रहरी कार्यालय ओखलढुंगाले जनाएको छ।
