_1704867435.jpeg)
झापा: श्रीमति हत्या गरेर फरार रहेका एक व्यक्ति पक्राउ परेका छन् ।
झापाको गौरादह १ सितल चौकका ३९ बर्षीय सजिलाल रिख्यासनलाई प्रहरीले श्रीमति हत्या अभियोगमा पक्राउ गरेको हो । उनले आफ्नै श्रीमति संगीता टुडुलाई असार ३१ गते कुटपिट गरेर हत्या गरेको प्रहरीको भनाई छ । मोरङको रंगेली ९ सखुवाथान घर भए पनि उनीहरु झापाको गौरादह बस्दै आएका थिए । सजिलालले श्रीमतिलार्य खेत नजिक रहेको टहरामा लगेर कुटपिट गरी हत्या गरेको र उनी फरार भएको प्रहरीले जनाएको छ ।
घटनाबारे जानकारी पाएपछि प्रहरी सजिलालको खोजीमा जुटेको थियो । उनलाई पक्राउ गरी झापा प्रहरीले आजै सार्बजनिक गरेको हो । पक्राउ परेका सजिलालमाजिथ कर्तब्य ज्यान मुद्दामा कानुनी कारवाही एवं घटनाबारे थप अनुसन्धान भईरहेको जिल्ला प्रहरी कार्यालय झापाले जनाएको छ ।
