_1704867435.jpeg)
झापा: ब्राउन सुगरको कारोबार गर्ने दुई जनालाई प्रहरीले झापाबाट नगद र ब्राउन सुगरसहित पक्राउ गरेको छ ।
झापा मेचिनगर नगरपालिका ९ स्थित लिलाबस्तीको लिलाचोकबाट मेचिनगर १ का २६ बर्षीय सरोज भुजेल र ३५ बर्षीय निर्मल भुजेल पक्राउ परेका हुन् । उनीहरुलाई हिजो दिउँसो साढे ३ बजे बिशेष सुचनाको आधारमा जिल्ला प्रहरी कार्यालय झापा, लागु औषध नियन्त्रण व्युरो काकरभिट्टा र ईलाका प्रहरी कार्यालय धुलाबारी झापाको टोलीले पक्राउ गरेको हो । उनीहरुलाई ब्राउन सुगर कारोबार गर्न लागेको अबस्थामा फेला पारेको प्रहरीको भनाई छ ।
दुवैको तलासी गर्दा झोला भित्र ब्राउन सुगर ३४ ग्राम र २ लाख ५१ हजार वरामद भएको झापा प्रहरीले जनाएको छ । साथै, उनीहरुको मे ४ प ४०९७ र मे ६ प ३२१३ नम्बरको दुई वटा मोटरसाइकल पनि नियन्त्रणमा लिएर ईलाका प्रहरी कार्यालय धुलाबारीले थप अनुसन्धान गरिरहेको जनाएको छ ।
