_1704867435.jpeg)
झापा: झापाको बिभिन्न स्थानबाट लागूऔषध र प्रतिबन्धित औषधीसहित ३ जनालाई प्रहरीले पक्राउ गरेको छ ।
हिजो सोमबार बेलुका ६ बजे गौरीगंज गाउँपालिका ६ जनता चौकबाट ईलाका प्रहरी कार्यालय गौरीगंजको प्रहरी टोलीले गौरादह १ का २० बर्षीय सुरेश ताजपुरियालाई पक्राउ गरेको हो । उनको साथबाट प्रतिबन्धित औषधी ट्रामाजेक १५० क्यापसुल, नाईट्रोभेट २६ क्याप्सुल र कोरेक्श १ बोतल वरामद भएको छ ।
त्यसैगरी, हिजो बेलुका पौने ८ बजे झापा मेचीनगर नगरपालिका २ स्थित भृकुटी चौकबाट ब्राउन सुगरसहित २ जनालाई पक्राउ गरिएको छ । जिल्ला प्रहरी कार्यालय झापा र लागूऔषध नियन्त्रण व्युरोको टोलीले दक्षिणबाट आउदै गरेको भारतीय मोटरसाईकलमा सवार मेचीनगर नगरपालिका १ का २१ बर्षीय सुलन देवान र पछाडी सवार २० बर्षीय मिङमा तामाङलाई पक्राउ गरेको हो । उनीहरु सवार मोटरसाइकल चेकजाँच गर्दा भाईजरमा लुकाएको ब्राउन सुगर १ ग्राम फेला परेको प्रहरीले जनाएको छ । पक्राउ परेका तिनै जनाबारे थप अनुसन्धान भईरहेको झापा प्रहरीले जनाएको छ ।
