_1704867435.jpeg)
मोरङ: सुन्दरहरैचा नगरपालिका ७ बाट गाँजासहित सिटी सफारी चालक पक्राउ परेका छन् ।
पक्राउ पर्नेमा सुन्दरहरैचा नगरपालिका ५ मा डेरा गरी बस्ने धनकुट्टाको शहिद भूमी गाउँपालिका ५ का २४ बर्षीय ईमान राई रहेका छन् । उनलाई आज दिउँसो साँढे ३ बजे ईलाका प्रहरी कार्यालय बेलबारीको टोलीले पक्राउ गरेको हो । दक्षिणतर्फ जादै गरेको अवस्थामा राईले चलाएको को १ ह ७९८५ नम्बरको सिटी सफारी चेकजाँच गर्दा गाँजा फेला परे थियो ।
त्यसपछि प्रहरीले राईको कोठामा पनि खानतलासी गर्दा ७ केजी ९८४ ग्राम गाँजा बरामद गरेको प्रहरीले जनाएको छ । राईलाई सिटी सफारी सहित नियन्त्रणमा लिएर ईलाका प्रहरी कार्यालय बेलबारीबाट थप अनुसन्धान भईरहेको प्रहरीले जनाएको छ ।
