_1704867435.jpeg)
सुनसरी: कोशी वन्यजन्तु आरक्षबाट गएको जंगली हात्तीको आक्रमणमा परी सुनसरीमा एक जनाको मृत्यु भएको छ ।
सुनसरीको कोशी गाउँपालिका ४ खत्वे टोका ५५ बर्षीय रामे खङ्ग खत्वेको हात्तीको आक्रमणमा परी मृत्यु भएको हो । आज बिहान साढे ५ बजे खेतीतर्फ जाने क्रममा आरक्षबाट आएको एउटा जंगली हात्तीले उनलाई घर नजिकै आक्रमण गरेको थियो । हात्तीको आक्रमणबाट खत्वेको घटनास्थलमै मृत्यु भएको प्रहरीले जनाएको छ ।
घटनाबारे जानकारी पाएलगतै प्रहरी टोली खटिएको र स्थानियबासीको सहयोगमा हात्तीलाई जंगलतर्फ लखेटेको जिल्ला प्रहरी कार्यालय सुनसरीले जनाएको छ । प्रहरीले आवश्यक कानुनी प्रकृया पुरा गरी लाश पोष्टमार्टमको लागी जिल्ला अस्पताल ईनरुवा पठाएको प्रहरीले जानकारी दिएको छ ।
