संखुवासभा: संखुवासभामा अफिमसहित एक जना वृद्ध पक्राउ परेका छन् । 

 खाँदवारी नगरपालिका ७ का ६९ बर्षीय जय चापागाई अफिमसहित पक्राउ परेका हुन् । उनलाई हिजो शुक्रबार दिउसो १२ बजे जिल्ला प्रहरी कार्यालय संखुवासभाको टोलीले घरबाटै पक्राउ गरेको हो ।

उनको साथमा लागुऔषध भएको बिशेष सुचना पाएपछि प्रहरीले चापागाईको घरमा छापा मारेको थियो । उनको घरमा लुकाई राखेको २०४ ग्राम अफिम फेला परेको प्रहरीले जनाएको छ । पक्राउ परेका चापागाईमाथि थप अनुसन्धान भईरहेको जिल्ला प्रहरी कार्यालय संखुवासभाले जनाएको छ ।