_1704867435.jpeg)
सुनसरी: सुनसरीको कोशी गाउँपालिका २ मा पर्ने भित्री पक्की सडक खण्डमा सिटी सफारी पल्टदा एक जना यात्रुको मृत्यु भएको छ भने एक जना घाइते भएका छन् ।
उक्त सडकमा उत्तरबाट दक्षिण आउदै गरेको को २ ह ११६३ नम्बरको सिटी सफारी अनियन्त्रित भई पल्टिदा दुई जना घाइते भएका थिए । सोमबार साँझ करिब ५ बजे भएको दुर्घटनामा ७४ बर्षीय फरेबी यादव र बराहक्षेत्र ११ की २३ बर्षीय सबिना माझी घाईते भएकी थिइन् ।
घाईते मध्ये यादवको नोवेल अस्पताल विराटनगरमा उपचारको क्रममा राती पौने १२ बजे मृत्यु भएको प्रहरीले जनाएको छ । यस्तै, माझीको वीपी कोइराला स्वास्थ्य विज्ञान प्रतिष्ठान धरानमा उपचार भइरहेको छ । सिटी सफारी र चालक कोशी गाउँपालिका २ का २० बर्षीय रंजित यादव जिल्ला प्रहरी कार्यालय सुनसरीको नियन्त्रणमा रहेको छ ।
