मोरङ: बिराटनगर महानगरपालिका १५ स्थित १ नम्बर ढाटबाट लागूऔषधसहित एक जना पक्रउ परेका छन् । 

पक्राउ पर्नेमा सुनसरी धरान ६ का २० बर्षीय निखिल राय रहेका छन् । उनलाई हिजो बेलुका साँढे ४ बजे लागूऔषध नियन्त्रण व्यूरो विराटनगरको टोलीले लागुऔषधसहित पक्राउ गरेको प्रहरीले जनाएको छ ।

उनको साथबाट लुपिजेसिक १५ एम्पुल, डाईजाल्याब १५ एम्पुल, एभिल १४ एम्पुल र फेनारगन १५ एम्पुल वरामद भएको छ । पक्राउ परेका रायलाई ईलाका प्रहरी कार्यालय रानीले थप अनुसन्धान गरिरहेको मोरङ प्रहरीले जानकारी दिएको छ ।