_1704867435.jpeg)
सुनसरी: सुनसरीको कोशी गाउँपालिका ३ जमुवा चोकस्थित पुर्व पश्चिम राजमार्गमा पिकअपको ठक्करबाट मोटरसाईकल चालकको मृत्यु भएको छ । मोटरसाईकल पछाडी सवार एक जना घाईते भएका छन् ।
मृत्यु हुनेमा सप्तरी महादेवा गाउँपालिका ६ का ३५ बर्षीय राम नाथ मण्डल रहेका छन् । हिजो दिउँसो १२ बजे पश्चिमतर्फ जादै गरेको प्र २-०३-००१ च ३००७ नम्बरको पिकअपले बिपरित दिशाबाट आउदै गरेको प्र २-०१-००२ प ५६५ नम्बरको मोटरसाईकललाई ठक्कर दिएको थियो ।
सो दुर्घटनामा गम्भिर घाईते भएका मोटरसाईकल चालक राम नाथको जिल्ला अस्पताल ईनरुवामा उपचारको क्रममा मृत्यु भएको हो । मोटरसाईकल पछाडी सवार सप्तरी हुनुमान कंकालिनी नगरपालिका ११ का १९ बर्षीय सन्तोष कुमार मण्डलको नोवेल अस्पताल विराटनगरमा उपचार भईरहेको छ । ठक्कर दिने पिकअप र चालक सर्लाही बर्छवा ९ का २३ बर्षीय अंश कुमार साह प्रहरीको नियन्त्रणमा रहेका छन् ।
