मोरङ: अवैधरुपमा सखुवाको काठ लोड गरर ल्याउदै गरेको अवस्थामा बेलबारीबाट २ जना पक्राउ परेका छन् । 

पक्राउ पर्नेमा बेलबारी नगरपालिका ३ का ३८ बर्षीय दलबहादुर तामाङ र केराबारी गाउँपािलका ८ का ४० बर्षीय जितबहादुर तामाङ रहेका छन् । उनीहरुलाई प्रहरीले शुक्रबार दिउँसो करिब ३ बजे बेलबारी ३ बाट पक्राउ गरेको हो । बा.२१ च.१८२९ नम्बरको सेतो बोलेरो पिकअपमा काठ ल्याउदै गर्दा उनीहरु समातिएका हुन् । 

ईलाका प्रहरी कार्यालय बेलबारीका अनुसार समातिएका मध्ये दलबहादुर बोलेरो चालक हुन् । फक्राउ परेका दुबैलाई आवश्यक कारबाहीको लागि सब डिभिजन वन कार्यालय सलकपुरमा बुझाइएको पनि प्रहरीले जनाएको छ ।