मोरङ: मोरङको उर्लाबारी नगरपालिका १ स्थित झारासादीका एक युवा प्रतिबन्धित औषधीसहित पक्राउ परेका छन् ।

पक्राउ पर्नेमा २० बर्षीय उमेश धिमाल रहेको प्रहरीले जनाएको छ । उनलाई हिजो राती १२ बजे बिशेष सुचनाको आधारमा ईलाका प्रहरी कार्यालय उर्लाबारीको टोलीले घरबाट पक्राउ गरेको हो । उनको घरमा खानतलासी गर्दा धिमाल सुत्ने कोठाबाट प्रतिबन्धित औषधी फेला परेको प्रहरीको भनाई छ । धिमालको कोठामा ट्रामाडोल- ५७५ ट्याब्लेट र स्पासपेन-५७० ट्याब्लेट बरामद भएको थियो । उनलाई नियन्त्रणमा लिएर थप अनुसन्धान भइरहेको प्रहरीले जनाएको छ ।