_1704867435.jpeg)
ओखलढुंगा: ओखलढुंगा जिल्लाको मानेभन्याङ गाउँपालिका ५ ताराबारीस्थित सिद्धिचरण राजमार्गमा मोटरसाईकलको ठक्करबाट एक जना पैदल यात्रीको मृत्यु भएको छ ।
मृत्यु हुनेमा सोही पालिकास्थित ओखरबोटकी ५० बर्षीया कर्ममाया मगर रहेकी छन् । हिजो बेलुका पौने ५ बजे ओखलढुंगा सदरमुकामबाट हर्कपुर तर्फ जादै गरेको बा ३६ प ३५२२ नम्बरको मोटरसाईकलको ठक्करबाट मगर गम्भिर घाईते भएकी थिइन् ।
उनको मिसन अस्पताल ओखलढुंगामा उपचारको क्रममा बेलुका सवा ७ बजे मृत्यु भएको प्रहरीले जनाएको छ । मोटरसाईकल र चालक स्थानीय २१ बर्षीय रेवत बहादुर पुलामी मगरलाई प्रहरी चौकी मानेभन्ज्याङले नियन्त्रणमा लिएर थप अनुसन्धान भइरहेको प्रहरीले जनाएको छ ।
