_1704867435.jpeg)
मोरङ: आफ्नै घरमा कारखाना संचालन गरेर भरुवा बन्दुक बनाएर बिक्री गर्ने एक जना पक्राउ परेका छन् ।
पक्राउ पर्नेमा मोरङ बेलबारी नगरपालिका १ का ५२ बर्षीय आश बहादुर लिम्बु रहेका छन् । उनलाई हिजो बेलुका करिब ६ बजे बिशेष सुचनाको आधारमा ईलाका प्रहरी कार्यालय बेलबारीको टोलीले घरबाटै पक्राउ गरेको छ । उनको घरबाट भरुवा बन्दुक १ थान, बन्दुक बनाउन प्रयोग गरिने नाल २ थान, काठको बट ४ थान, फलामको पड्किने पाशो भएको बन्दुक १ थान, बारुद १ केजी, बन्दुकको नाल सफा गर्ने रड १ थान, फलामको काजो ३ थान पनि वरामद भएको छ।
यस्तै, उनको घरबाट ५ थान हरिणको सिङ पनि वरामद भएको प्रहरीले जनाएको छ । लिम्बुले घरमा नै विभिन्न औजारहरु प्रयोग गरेर बन्दुक बनाउने गरेको प्रहरीले जनाएको छ । पक्राउ परेका लिम्बुलाई ईलाका प्रहरी कार्यालय बेलबारीले थप अनुसन्धान गरिरहेको छ ।
