_1704867435.jpeg)
विराटनगर: विराटनगरमा एक पुरुषको वेवारिसे अवस्थामा शव फेला परेको छ ।
जिल्ला प्रहरी कार्यालय मोरङले पहिचान नखुलेको कारण मृतकको तस्बिर सार्वजनिक गर्दै सम्पर्क गर्न आफन्तजनहरुलाई आग्रह गरेको छ । प्रहरीका अनुसार आज दिउँसो करिब १२ बजे विराटनगर ९ स्थित बसपार्क अगाडि कोशी राजमार्गको पुर्वपट्टी सडक पेटिमा मृत अवस्थामा पुरुष फेला परेको थियो । साँझसम्म पनि उनको पहिचान खुल्न नसकेपछि प्रहरीले तस्बिर सार्वजनिक गरेको हो ।
मोरङ प्रहरीका अनुसार मृतक करिब ४० ४५ बर्षका पुरुष हुन् । उनको शव हाल कोशी अस्पताल विराटनगरको शव गृहमा राखिएको छ । मृतक गहुँ गोरो, उचाई ५ फिट साढे ३ इञ्च छ भने मृतकले सेतो सेण्डो गञ्जी लगाएको र कालोमा पहेलो धर्का भएको हाफ पाइन्ट लगाएका छन् । प्रहरीले आफन्तजनलाई जिल्ला प्रहरी कार्यालय मोरङको ९८५२०३८३५५ मा सम्पर्क गर्न पनि आग्रह गरेको छ ।
