धरान: बैकिङ कसुर मुद्दाका अदालतबाट कैद र जरिवाना फैसला गरेपनि फरारा रहेका धरानका एक व्यक्ति पक्राउ परेका छन् । 

पक्राउ पर्नेमा धरान १६ का ५२ बर्षीय मदन राई रहेका छन् । उनलाई उच्च अदालत बिराटनगरबाट २०७८ बैशाख १३ गते बैकिङ कसुर  मुद्दामा १० दिन कैद र २१ लाख ५० हजार जरिवाना गर्ने फैसला गरेको थियो । अदालतबाट फैसला भएपनि उनी भने फरार रहेका थिए । 

फरार रहेका राईलाई प्रादेशिक अनुसन्धान समुह बिराटनगरबाट खटिएको टोलीले पक्राउ गरेको हो । उनलाई तोकिएको कैद भुक्तानको लागी कारागार चलान गरिएको १ नम्बर प्रदेश प्रहरी कार्यालय विराटनगरले जानकारी दिएको छ ।