मोरङ: विराटनगर महानगरपालिका १५ मा लागूऔषधसहित धरानका एक युवा पक्राउ परेका छन् । 

पक्राउ पर्नेमा धरान उप(महानगरपालिका १५ का २१ बर्षीय बिशाल खड्का रहेका छन् । उनलाई आज बुधबार बिहान साढे ७ बजे लागूऔषध नियन्त्रण व्यूरो विराटनगरको टोलीले पक्राउ गरेको प्रहरीले जनाएको छ । 

उनको साथबाट लुपिजेसिक २० एम्पुल, डाईजाल्याब १० एम्पुल, एभिल २० एम्पुल, फेनारगन १० एम्पुल, डाईजोपाम १० एम्पुल, नाईट्रोसन ३० ट्याब्लेट वरामद भएको प्रदेश प्रहरी कार्यालयले जनाएको छ । पक्राउ परेका खड्काबारे ईलाका प्रहरी कार्यालय रानीबाट थप अनुसन्धान भईरहेको प्रहरीले जनाएको छ।