_1704867435.jpeg)
धरान: साउथ एसियन एथलेंटिक्स प्रतियोगितामा सहभागी हुने बराहक्षेत्र नगरपालिकाका खेलाडीहरुलाई शनिबार विदाई गरिएकोछ ।
नगर प्रमुख निलम खनाल, बराहक्षेत्र नगर खेलकुद विकास समितिका संयोजक एवं ४ नम्बर वडाका अध्यक्ष आशाराम चौधरी, खेलकूद विकास समितिका सदस्यहरुले खेलाडीहरुको विदाई गरेको हो । खेलाडीहरुलाई विदाईसँगै ट्रयाक सुट, भेष्ट, जुत्तालगायत आवश्यक सामग्रीहरु पनि वितरण गरिएको थियो । मेयर खनालले खेलाडीहरूलाई जितको शुभकामना व्यक्त गर्दै बराहक्षेत्रको नाम, पहिचान राख्न खेलाडीहरूको ठुलो योगदान रहेको बताए ।
प्रतियोगितामा बराहक्षेत्रबाट ५ जना सहभागी हुनेछन् । वडा नं ४ बाट १९ वर्षीय आशीष चौधरी ८०० मिटर दौडमा सहभागी हुदैछन् भने १८ वर्षीय मार्सल चौधरी लमजम्पमा र १८ वर्षीय रितेश थापा १०० मिटर दौडमा र रिलेमा सहभागी हुने खेलकुद समिति संयोजक चौधरीले जानकारी दिए । यस्तै, बराहक्षेत्र वडा नं ५ बाट १९ वर्षीय भूमिका तामांग हाईजम्पमा र १७ वर्षीया सबिना कटवाल १५०० र ३०० सय मिटर दौडमा सहभागी हुनेछन् ।
