मोरङ: मोरङको बिराटनगर महानगरपालिका ३ कंचनबारीमा रहेको माछापुच्छ्रे बैंकको एटिएम तोडफोडमा संलग्न १ जनालाई प्रहरीले पक्राउ गरेको छ । 

पक्राउ पर्नेमा मोरङको रतुवामाई नगरपालिका ५ का २१ बर्षिय पारस कालिकोटे रहेका छन्। उनले आईतवार राती साँढे ९ बजे एटिएम मेसिन तोडफोड गरेका थिए । घटनाबारे जानकारी पाएलगत्तै जिल्ला प्रहरी कार्यालय मोरङ, प्रहरी चौकी बरगाछी र सि.आर.भि. पोष्ट भट्टाचोकको टोली परिचालन भएको थियो ।

प्रहरी टोलीले तोडफोडमा संलग्न कालिकोटेलाई पक्राउ गरेको जनाएको छ । पक्राउ परेका कालिकोटेबारे जिल्ला प्रहरी कार्यालय मोरङले आवश्यक अनुसन्धान भईरहेको जनाएको छ ।