_1704867435.jpeg)
ईलाम: ईलामको रोङ गाउँपालिका ४ मा आज बिहान भएको पिकअप दुर्घटनामा परी दुई जनाको मृत्यु भएको छ ।
बिहान पौने ६ बजे झापाबाट ईलामतर्फ जाँदै गरेको प्रदेश १-०१-००१ च ७९१६ नम्बरको पिकअप आफै अनियन्त्रित भएर सडकबाट करिब ५०० मिटर तल खसेको थियो । उक्त दुर्घटनामा पिकअपमा सवार मेचिनगर ४ झापाका ५५ बर्षीय रमेश थापा र ४० बर्षीय सुर्य बहादुर थापाको घटनास्थलमा नै मृत्यु भएको जिल्ला प्रहरी कार्यालय ईलामले जनाएको छ।
घटनास्थलमा ईलाका प्रहरी कार्यालय पशुपतिनगरबाट प्रहरी टोली खटिएको थियो । प्रहरीले घाईते भएका पिकअप चालकलाई उपचारको लागी वि।एण्ड सि।अस्पताल झापा पठाएको छ भने घटनाबारे थप अनुसन्धान भईरहेको उक्त कार्यालयले जनाएको छ ।
