झापा: झापाको मेचिनगर नगरपालिका १५ बाट ब्राउन सुगरसहित २ जना पक्राउ गरिएको छ । 

पक्राउ पर्नेमा भारत दार्जिलिङ पञ्चायत बतासे चुनिलाल गाँउका २५ बर्षीय मो.सुल्तान र २७ बर्षीय रन्जित गणेश रहेका छन् । उनीहरुलाई हिजो दिनको ३ बजे प्रहरी चौकी ज्यामिरगढी झापाबाट खटिएको प्रहरी टोलीले पक्राउ गरेको हो । उनीहरुको साथबाट ब्राउन सुगर १५ ग्राम वरामद भएको छ । पक्राउ परेका दुवैजनालाई ईलाका प्रहरी कार्यालय धुलाबारीले थप अनुसन्धान गरिरहेको जनाएको छ ।

लागुऔषधसहित थप १ पक्राउ

झापा दमक नगरपालिका १ डाँडागाउँ एकता टोलका २६ बर्षीय प्रकाश सिटौलालाई लागुऔषध सहित पक्राउ परेका छन् । उनलाई हिजो बेलुका साढे ६ बजे ईलाका प्रहरी कार्यालय दमकको टोलीले पक्राउ गरेको हो । उनको घर कोठाबाट नाइट्रोभेट ७५ ट्याब्लेट र इस्कुफ १०० एम.एल.को ७ बोतल वरामद भएको प्रहरीले जनाएको छ । सिटौलालाई थप अनुसन्धान भइरहेको ईलाका प्रहरी कार्यालय दमकले जनाएको छ ।