_1704867435.jpeg)
मोरङ: मोरङको बेलवारी नगरपालिका १ सिनेमा हल अगाडीबाट आईतवार बिहान हराएको कार खोजी गरिरहेको प्रहरीले कार र लागुऔषधसहित ३ जनालाई पक्राउ गरेको छ ।
आईतबार बिहान ८ बजे मोरङको बेलबारी नगरपालिका ३ का ४३ बर्षीय रिक्तमान गुरुङले बेलबारी १ सिनेमा हल अगाडी पार्किङ गरेको प्रदेश ३(०१(०२५ च ९७५० नम्बरको कार चोरी भएको थियो । उनले ईलाका प्रहरी कार्यालय बेलबारीमा निबेदन दिएपछि प्रहरीले कार खोजीशुरु गरिेको थियो । सोही क्रममा दिउँसो सुन्दरहरैचा नगरपालिका विश्वकर्मा मन्दिरबाट उक्त कार प्रहरीले फेला पारेको थियो । कार फेला परेसँगै उक्त कारमा रहेका ३ जना पक्राउ परेका छन् ।
प्रहरीका अनुसार बेलबारी नगरपालिका ३ का ३६ बर्षीय सुरज गुरुङ, केरावारी १० का २५ बर्षीय तेज कुमार मगर र केराबारी ७ का २६ बर्षीय नगेन्द्र लिम्बु पक्राउ परेका छन् । उनीहरुलाई नियन्त्रणमा लिएर कार चेकजाँच गर्ने क्रममा लागुऔषध डाइजिपाम ११ एम्पुल , एभिल ९ एम्पुल। फेनारगन १० एम्पुल , र लुपिजेसिक १० एम्पुल गरि कुल ४० एम्पुल बरामद भएको प्रहरीले जनाएको छ । लागुऔषधसहित पक्राउ परेकाहरुबारे थप अनुसन्धान कार्य भईरहेको ईलाका प्रहरी कार्यालय बेलवारीले जनाएको छ ।
