_1704867435.jpeg)
विराटनगर: प्रदेश १ मा पछिल्लो २४ घण्टामा थप १५६ जनामा कोरोना संक्रमण भएको छ ।
सामाजिक विकास मन्त्रालयका अनुसार ४२५ जनाको पीसीआर परीक्षण गर्दा ६५ र ५९६ जनाको एन्टिजेन परीक्षण गर्दा ९१ जनामा संक्रमण देखिएको हो । पीसीआर परीक्षणका आधारमा मोरङमा २०, सुनसरीमा १३, झापामा १२, धनकुटामा ३, तेहृथुम र उदयपुरमा २–२, इलाम, ताप्लेजुङ र संखुवासभामा १–१ र प्रदेश १ बाहिरका १० जनामा संक्रमण देखिएको हो ।
मोरङको विराटनगरमा ८, सुन्दरहरैचामा ४, बेलबारी र कानेपोखरीमा ३–३, रतुवामाई र रंगेलीमा १–१ जना छन् । सुनसरीको इटहरीमा ६, धरानमा ३, रामधुनी, दुहवी, देवानगञ्ज र स्थानीय तह नखुलेका १–१ जना छन् ।
झापाको विर्तामोड र दमकमा २–२, भद्रपुर, बाहृदशी, हल्दिबारी, कनकाई, गौरीगञ्ज, बुद्धशान्ति, शिवसताक्षी र झापा गाउँपालिकामा १–१ जना छन् भने धनकुटाको धनकुटा नगरपालिका, छथरजोरपाटी र पाख्रिबासमा १–१, तेहृथुमको फेदाप र आठराईमा १–१ जना छन् । यसैगरि, उदयपुरको त्रियुगामा २, इलामको इलाम नगरपालिका, ताप्लेजुङको श्रीजंगा र संखुवासभाको खाँदबारीमा १–१ र प्रदेश १ बाहिरका १० जनामा संक्रमण देखिएको मन्त्रालयले जनाएको छ ।
प्रदेश १ मा थप २८४ जना कोरोना संक्रमणमुक्त भएका छन् । संक्रमणमुक्त हुनेमा १३५ महिला र १४९ पुरुष संक्रमणमुक्त भएका छन् । पछिल्लो २४ घण्टामा कोरोना संक्रमणबाट एक पुरुषको मृत्यु भएको छ । सक्रिय संक्रमितको संख्या १ हजार ९८६ रहेको सामाजिक विकास मन्त्रालयले जनाएको छ ।
