_1704867435.jpeg)
धरान: ब्रदर्श क्लब धरानलाई पराजित गर्दै काठमाण्डौको रोयल्स बास्केटवल एकेडेमी छैटौ हराईजन राष्ट्रिय बास्केटवल कपको सेमिफाइनलमा प्रवेश गरेको छ ।
धरान १७ स्थित श्री घोपा माविको बास्केटवल कोर्टमा सोमबार भएकोे खेलमा ब्रदर्श क्लबलाई ८० – ७२ स्कोरले पराजित गर्दै रोयल्सले सेमिफाइनल प्रवेश गरेको हो । रोयल्सले प्रत्येक क्वाटरमा क्रमशः २३–२२–१५–२६ स्कोर गरेको थियो भने ब्रर्दशले १८–२१–२०–७ स्कोर गरेको थियो । खेलको म्यान अफ द म्याच रोयल्स बास्केटबल एकेडेमीका विकास गुरुङ भए । उनले खेलमा सर्वाधिक १८ स्कोर गरेका थिए ।
सेमिफाइनलमा रोयल्सले बुधबार बिभागीय टिम त्रिभुवन आर्मीसँग प्रतिष्पर्धा गर्नेछ । मंगलबारको अन्तिम क्वाटरफाइनल खेल टाइम्स क्लब काठमाण्डौ र बिर्तामोड क्लब झापा बिच हुने आयोजकले जनाएको छ । चैत ११ गतेसम्म चल्ने प्रतियोगितामा देशभरका ८ वटा टिमको सहभागिता रहेको छ । प्रतियोगिताको बिजेताले नगद १ लाख ११ हजार रुपैया नगद पुरस्कार पाउनेछ भने उपबिजेताले ५५ हजार रुपैया पाउने आयोजकले जनाएको छ ।
