_1704867435.jpeg)
धरान: सुनसरी र झापाको विभिन्न स्थानबाट लागूऔषध ब्राउन सुगरसहित प्रहरीले १२ जनालाई पक्राउ गरेको छ ।
प्रहरीका अनुसार बुधबार दिउँसो सुनसरीको कोशी गाउँपालिका १ बाट लागूऔषध नियन्त्रण ब्यूरो बिराटनगर र इलाका प्रहरी कार्यालय लौकहीको टोलीले ७ जनालाई पक्राउ गरेको हो । चेकजाँचको क्रममा धरान १७ का २८ बर्षीय बेगराज लिम्बु र ३४ बर्षीय सागर राईलाई ३ ग्राम १३ मिलिग्राम, ईटहरी १६ का ३४ बर्षीय मनोज कुमार चौधरीलाई २७ ग्राम २७ मिलिग्राम र ईटहरी ६ का २३ बर्षीय सनम तामाङलाई २६ ग्राम, ईटहरी २ का २७ बर्षीय निरज लिम्बु, २२ बर्षीय सन्दिप मगरलाई ३ ग्राम ५६ मिलिग्रामसहित प्रहरीले पक्राउ गरेको छ ।
यसैगरि, रामधुनी ९ का १६ बर्षीय आदित्या चौधरीलाई २ ग्राम १ मिलिग्राम, रामधुनीकै २६ बर्षीय मनिष चौधरीलाई २ ग्राम ५६ मिलिग्राम, रामधुनी ५ का २६ बर्षीय बिज्ञान साहलाई ३५ ग्राम ८८ मिलिग्राम ब्राउन सुगरसहित समातिएका हुन् । प्रहरीका अनुसार उनीहरुको साथबाट कुल १००.५ ग्राम ब्राउन सुगर वरामद भएको छ भने मोटरसाइक र स्कुटर एक एक थान पनि नियन्त्रणमा प्रहरीले लिएको जनाएको छ ।
यस्तै, सुनसरी हरिनगर १ प्रहरी चैकी भुटाहाबाट खटिएको प्रहरी टोलीले सोही स्थानका २० बर्षीय प्रकाश कुमार दास र २२ बर्षीय रितेश कुमार मण्डललाई प्रतिबन्धित लागुऔषधी नाईट्राजेपाम १२० ट्याब्लेट सहित पक्राउ गरेको छ । त्यसैगरी, झापाको बिर्तामोड नगरपालीका ४ का ३२ बर्षीय बिकी साहलाई ३४० मिलिग्राम ब्राउन सुगर सहित प्रहरीले पक्राउ गरेको छ । अस्थायी प्रहरी पोष्ट नयाँ बसपार्क झापाबाट गस्तिमा खटिएको प्रहरी टोलीले उनीहरुलाई नियन्त्रणमा लिएको र थप अनुसन्धान भईरहेको प्रहरीले जनाएको छ ।
