_1704867435.jpeg)
सुनसरी: सुनसरी सदरमुकाम इनरुवा बजारमा आगलागी भइरहेको छ ।
इनरुवा १ स्थित बजार क्षेत्रमा रहेका दुई पसलमा बिहान करिब ५ बजेदेखि आगलागी भएको हो । आगो अहिलेसम्म नियन्त्रणमा आउन नसकेको जिल्ला प्रहरी कार्यालय सुनसरीका एसपी कमल थापाले बताए । उनका अनुसार २ वटा घर जलेको छ । '२ वटा घर जलेर धेरै क्षति भएको छ,'एसपी थापाले भने । उनका अनुसार आगलागी अन्यत्र फैलन नदिन स्काभेटरले अन्य घर भत्काउने कार्य भइरहेको छ । धरान, इटहरी, दुहबीलगायतका ५ वटा दमकलसहित सुरक्षाकर्मीहरु आगो नियन्त्रणमा खटिएको पनि उनले जानकारी दिए ।
आगलागी इनरुवा बजारमा रहेको हनुमान बस्त्रालयबाट शुरु भएको बताइएको छ । त्यहाँबाट शुरु भएको आगो सृर्जना फाइनान्स भएको घर पनि आगलागीको चपेटामा परेको छ । इनरुवा नगरको दमकल बिग्रएकोले आगलागी समयमा नै नियन्त्रणमा आउन नसकेको बताइएको । दुवै भवनमा रहेका सम्पुर्ण सरसामानहरु पुर्ण रुपमा जलेर नष्ट भएको छ ।
