_1704867435.jpeg)
धरान: सुनसरी उद्योग वाणिज्य संघले सुरक्षा निकाय र धरान उपमहानगरपालिकालाई स्वास्थ्य सुरक्षा सामग्री प्रदान गरेको छ ।
संघले शनिबार आफ्नो ५७ औं वार्षिकोत्सवको अवसर पारेर धरान उपमहानगरपालिका र सुरक्षा निकायहरुलाई फेस शिल्ड, मास्क, सेनिटाइजर र गाडीमा सेनिटाइज गर्ने उपकरण प्रदान गरेको हो । संघको हलमा आयोजित कार्यक्रममा ईलाका प्रहरी कार्यालय धरान, सशस्त्र प्रहरी बल बेस क्याम्प फुस्रे र जिलल ट्राफिक प्रहरी कार्यालय धरान र उपमहानगरपालिकालाई स्वस्थ्य सामग्री वितरण गरिएको थियो ।
संघका अध्यक्ष गिरीधारी सापकोटाको अध्यक्षतामा आयोजित कार्यक्रम धरानकी उपप्रमुख मञ्जु भण्डारी सुवेदीको प्रमुख आतिथ्यमा सम्पन्न भएको थियो । उपप्रमुख भण्डारीले स्थानीय सरकार र व्यापारी बिचको सम्बन्धको सेतुकोरुपमा उद्योग वाणिज्य संघको भुमिका रहेको धारणा व्यक्त गरिन् । साथै उनले धरानलाई पर्यटकीय नगरी बनाउन व्यवसायीहरुले थप लगानी गर्न आवश्यक भएको पनि बताइन् । “पर्यटकीय नगरीको रुपमा रहेको धरानमा मन्दिर मात्र होईन, धरानलाई अझ उत्कृष्ट गन्तव्य बनाउनका लागि थप लगानी गर्नुपर्ने हुन्छ”उनले भनिन् ।
कार्यक्रममा नेपाल पत्रकार महासंघका उपाध्यक्ष सन्तोष काफ्ले, इलाका प्रशासन कार्यालय धरानका प्रमुख चन्द्र बहादुर कार्कीले पनि शुभकामना मन्तव्य व्यक्त गरेका थिए ।संघका प्रथम उपाध्यक्ष शिवराज श्रेष्ठले धन्यवाद मन्तव्य दिएका थिए । कार्यक्रम संघका महासचिव राजेश अग्रवालले सञ्चालन गरेका थिए । सोही कार्यक्रममा २०७६ फागुन १५ देखि चैत्र ७ गतेसम्म संघले आयोजना गरेको औद्योगिक व्यापार मेला–२०७६ को स्कुटी उपहार नतिजासमेत घोषणा गरिएको थियो । मेला अवधिमा प्रवेश टिकटको अर्धकट्टी मध्येबाट गोलाप्रथाद्वारा टिकट नं. १८६५० लाई स्कुटी विजेता घोषणा गरिएको कार्यसमिति सदस्य विष्णु बरालले जानकारी दिए । तस्वीर: विष्णु बराल
