सुनसरी: पछिल्लो समय नेपालमा बदाम र दुध मिसाएर बनाइएको बदाम ड्रिंक्स लोकप्रिय हुँदैछ ।

बदाम र दुध पौष्टिक खाद्य मानिन्छ । नेपालीहरुले अक्सर खाने यी खाद्यान्न स्वास्थ्यका दृष्टिले समेत फाइदाजनक छन् । बदाम ड्रिंक्समा बदाम र दुध दुवै मिसाइएको छ । त्यसैले यी दुवै पौष्टिक खाद्यको फाइदा एकैपटक दिलाउने गरेको छ । भारतबाट आउने यही किसिमको बदाम ड्रिंक्सहरुको भीडमा नेपालीको आफ्नै ड्रिंक्स पनि बजारमा आएको छ ।

इटहरी १२ खनारमा रहेको रिलायबल फुड एण्ड बेभरेज प्रालिले बदाम डिंक्स उत्पदान गरेको हो । रिलायबल चक्र र किमु ब्राण्डका बदाम ड्रिंक्स नेपालकै पहिलो बदाम ड्रिंक्सहरु हुन् । कम्पनीले 'स्वदेशी उत्पादन, किसानको सान, शुद्ध गाईको दूध, गुणस्तरीय बदाम' लाई मुख्य स्लोगन बनाएर नेपाल भरी आफ्नो उत्पादन विक्री वितरण गरिरहेको छ।अरु पेय पदार्थको तुलनामा थोरै महँगो भएपनि बदाम ड्रिंक्समा पौष्टिक दुध र बदाम मिसिएकोले यसले शारीरिक र मानसिक स्वास्थ्यलाई लाभ पुग्ने कम्पनीको दाबी छ ।

हेरौं बदाम र दुधका फाइदाहरु के के छन्ः

बदाम खानुका फाइदा–

१ मोटोपना घटाउँछ

बदाम खाँदा पेट छिटो भरिने भएकाले तुरुन्तै अर्को खाने कुरा खान मन लाग्दैन।जसले गर्दा शरीरले अनावश्यक क्यालोरी लिन पाउँदैन। यसले गर्दा मोटोपन भएकाहरुको सजिलै तौल घट्न सक्छ।

२ रोग प्रतिरोधात्मक शक्ति बढाउँछ

नियमित बदाम खाँदा मुटुसम्बन्धी समस्याबाट बच्न सकिन्छ। बदाम खाने व्यक्तिमा डिप्रेसनका समस्या एकदम न्यून हुन्छ। क्यान्सरबाट बचाउँछ । बदाममा ९फाइटोस्टेरोल० नाम गरेको तत्व हुन्छ। यसले सामान्यतया ट्युमरलाई नियन्त्रण गर्छ र क्यान्सर हुनबाट जोगाउँछ। एक अध्ययनअनुसार हप्ताका दुई पटक बदाम खाने महिलामा ५८ प्रतिशत र पुरुषमा २७ प्रतिशत कोलोन क्यान्सरको खतरा कम हुन्छ।

३ फोलिक एसिड

बदाममा प्रशस्त मात्रामा फोलिक एसिड रहेको हुन्छ। यसले महिलामा प्रजनन् क्षमता बढाउँछ।यसका साथै गर्भमा रहेको शिशुको वृद्धिविकासमा पनि ठूलो भूमिका खेल्छ। विभिन्न अध्ययनले देखाएको छ कि गर्भवती हुनुअघि वा पछि नियमित बदाम खाएका आमाबाट जन्मिने शिशु स्वस्थ जन्मिन्छन्।यसका साथै जन्मिएका शिशुमा मुटुसम्बन्धी खतरा निकै कम हुन्छ।

४ छाला चम्किलो

बदामले औषधिको काम पनि गर्छ। यदि अनुहारको छालामा फुस्रो वा दाग छ भने बदामको प्रयोग गरी सुन्दर छाला बनाउन सकिन्छ।नियमित बदाम खाएमा छालामा हुने सुख्खा वा खस्रोपनाबाट बचाउँछ।

५ भिटामीन सी

बदाममा भिटामिन सी पाइन्छ। यसले घाँटी खसखस हुने वा सुख्खा हुनबाट बचाउँछ। साथै नियमित बदाम खाएमा रुघाखोकीको जोखिम कम रहन्छ।

दुध खानुका फाइदा–

१ नियमित रुपमा दुध पिउनाले शरीरको छालामा चमक आउँछ ।

२ छाला चाउरी पर्ने, कडा हुने जस्ता समस्या समेत कम हुन्छन् ।

३ दुध भिटामिन, चिल्लो पदार्थ लगायतका पोषक तत्वका साथै क्याल्सियम लवणको पनि राम्रो श्रोत हो ।

४ दुधको नियमित सेवनले मानव सरीरका हड्डी तथा दाँत मजबुत हुन्छन् ।

५ नियमित कडा व्यायाम गर्नेहरुका लागि दिनको दुइ गिलास दुध पिउनु निकै लाभदायक हुन्छ ।