_1704867435.jpeg)
धरान: प्रदेश नं १ का मुख्यमन्त्री शेरधन राईले फागु पुर्णिमा होली पर्वको शुभकामना व्यक्त गरेका छन् ।
मुख्यमन्त्री राईले भिडियो सन्देशमार्फत रंगहरुको पर्वकोरुपमा मानिने यस पर्वले मानव जीवनलाई रंगीन र उल्लासमय बनाउन प्रेरित गर्ने विश्वास लिएको बताएका छन् । असत्यमाथि सत्यको विजयकोरुपमा लिइने यस पर्वले विगतका बर्षहरुमा हर्षोल्लासका साथ मनाउदै आए पनि गत बर्षदेखि कोरोना भाइरसको कारण सहज र अफ्ठेरो परिस्थितिम मनाउनु परेको मुख्यमन्त्री राईले बताएका छन् । साथै, उनले कोरोना भाइरसको संक्रमणबाट बच्न सुरक्षित तवरले चाडपर्व मनाउन पनि बिशेष अनुरोध गरेका छन् ।
होली पर्वले सबै नेपालीबीच सामाजिक सद्भाव कायम गर्दै सहमति, सहयोग र सहकार्यको बाटोमा अघि बढ्न सबैलाई प्रेरित गर्ने अपेक्षा पनि मुख्यमन्त्री राईले व्यक्त गरेका छन् । ‘मुलुकमा मनाइने यी र यस्ता विविध चाडपर्व र सँस्कृतिहरुको संरक्षण तथा संर्वद्धन गर्दै समृद्धितर्फको यात्रामा अगाडि बढ्नु हामी सबैको दायित्व हो,’मुख्यमन्त्री राईले सन्देशमा भनेका छन् ।
