मोरङ: मोरङको बुढीगंगा गाउँपालिका ६ कोयलपुरस्थित एक गोठमा भएको आगलागीमा ७ वटा बाख्रा र एउटा गाईको जलेर मृत्यु भएको छ । 

गए राती स्थानीय जंग बहादुर तामाङको गोठमा आगलागी भएको थियो । आगलागीमा गोठसहित ७ वटा बाख्रा, १ वटा गाई जलेर मृत्यु भएको प्रहरीले जनाएको छ । यस्तै, २ वटा बाख्रा र १ वटा गाई पनि घाईते भएको छ । तामाङको गाईगोठमा आगलागी हुन साथ प्रहरी र स्थानीयको सहयोगमा बिहानको राती ३ बजे आगो पुर्ण रुपमा नियन्त्रणमा आएको जिल्ला प्रहरी कार्यालय मोरङले जनाएको छ ।  गाईगोठमा लामखुट्टे भगाउन बालेको घुरबाट आगो सल्केको बताइएको छ । आगलागीबाट करिब ३ लाख बराबरको क्षती भएको अनुमान गरिएको छ ।