खोटाङ: खोटाङको दिक्तेल रुपाकोट मझुवागढी नगरपालिका ६ मा आज बिहान भएको ट्याक्टर दुर्घटनामा एक जनाको मृत्यु भएको छ  भने २ जना घाईते भएका छन् ।

 सडक निर्माणको लागी मिक्स्चर बोकेर जाँदै गरेको प्रदेश नं. १-०२-००३ त ०२८० नम्बरको ट्याक्टर बिहान पौने ९ बजे अचानक रोडबाट २० मिटर जती तल खसेको थियो । उक्त दुर्घटनामा सोही ट्याक्टरमा सवार रहेका खोटाङ रावावेशी ४ का २५ बर्षीय नेत्र बहादुर गुरुङको घटनास्थलमा नै मृत्यु भएको हो ।

उक्त दुर्घटनामा ट्याक्टरका चालक र सह-चालक घाईते भएका छन् । घाईतेहरुलाई उपचारको लागी जिल्ला अस्पताल खोटाङ पठाईएको छ भने घटना सम्बन्धमा प्रहरीले थप अनुसन्धान गरिरहेको जनाएको छ ।