झापा: झापाको गौरीगंज गाउँपालिका २ लालमाटीमा लागुऔषधसहित २ जना पक्राउ परेका छन् । 

प्रहरी चौकी कोरोबारीबाट खटिएको प्रहरी टोलीले मंगलबार बेलुका साढे ५ बजे स्थानीय २५ बर्षीय लोकेन्द्र खड्का र २४ बर्षीय कमल दाहाललाई लागुऔषधसहित पक्राउ गरेको हो । उनीहरुले तरकारी बोकेको झोला भित्र लागूऔषध ल्याबोरेट कोहीनफस्पेट (कोरेक्स) १२ बोतल, विन स्मास्मो २८  ट्याब्लेट  र नाइट्राभेट ३० ट्याब्लेट फेला परेको प्रहरीले जनाएको छ । पक्राउ परेका दुवैलाई ईलाका प्रहरी कार्यालय गौरीगंजमा ल्याई थप अनुसन्धान भईरहेको प्रहरीको भनाई छ।