_1704867435.jpeg)
मोरङ: मोटरसाईकल चोरीको आरोपमा प्रहरीले ३ जनालाई पक्राउ गरेको छ ।
पक्राउ पर्नेहरुमा ईटहरी उप-महानगरपालिका-२ का ४० बर्षीय सुवास चन्द्र राई, ईटहरी २० का ३८ बर्षीय बलराम गुरुङ र ईटहरी १३ का २६ बर्षिय राजेश मेहेता रहेका छन् । उनीहरुले जेठ १२ गते मोरङको सुन्दरहरैचा नगरपालिका ४ बाट गजेन्द्र राईको नाममा रहेको प्रदेश-१-०५-००१ प.००६१ न.को एनएस २०० सिसिको मोटरसाईकल चोरी गरेका थिए ।
मोटरसाइकल चोरी भएको जानकारी पाएपछि अनुसन्धान तथा खोजतलासमा प्रहरी टोली खटिएको थियो । प्रहरीले ईटहरीको खनारबाट चोरी भएको मोटरसाईकल सहित हिजो बिहिबार राती १० बजे उनीहरुलाई पक्राउ गरेको प्रहरीले जनाएको छ । पक्राउ परेकाहरुबारे थप अनुसन्धान भइरहेको प्रहरीले जनाएको छ ।
