झापा: झापाको बिर्तामोड नगरपालिका ९ धौलापुरबाट ब्राउनसुगर सहित ३ जना पक्राउ परेका छन् । 

बिशेष सूचनाको आधारमा प्रहरी चौकी गरामनीको टोलीले को ३ प १५३६ नम्बरको मोटरसाईकललाई रोकेर चेकजाँच गर्ने क्रममा उनीहरु पक्राउ परेका हुन् । पक्राउ पर्नेमा अर्जुनधारा नगरपालिका ५ का ३० बर्षीय पशुपती राजवंशी, २८ बर्षीय दिपक चौधरी र १७ बर्षीय एक बालक रहेका छन् । उनीहरुलाई हिजो बिहिवार राती ७ बजे १ ग्राम ब्राउनसुगर सहित पक्राउ गरेको झापा प्रहरीले जनाएको छ । पक्राउ परेकाहरुको सम्बन्धमा प्रहरीले थप अनुसन्धान गरिरहेको छ।