_1704867435.jpeg)
विराटनगर: प्रदेश १ मा पछिल्लो २४ घण्टामा १३ जनामा कोरोना संक्रमण पुष्टि भएको छ ।
सामाजिक विकास मन्त्रालयका अनुसार ३७५ जनाको पीसीआर परीक्षण गर्दा १३ जनामा संक्रमण देखिएको हो । पीसीआर परीक्षणका आधारमा मोरङमा ६, झापामा ५, सुनसरी र प्रदेश १ बाहिरका १–१ जनामा संक्रमण देखिएको हो ।
मोरङको विराटनगरमा ५, मिक्लाजुङमा १, झापाको दमक र भद्रपुरमा २–२ र विर्तामोडमा १, सुनसरीको इटहरी र प्रदेश १ बाहिरका १–१ जनामा संक्रमण देखिएको छ । प्रदेश १ मा थप २९ जना कोरोना संक्रमणमुक्त भएका छन् । संक्रमणमुक्त हुनेमा १३ महिला र १६ पुरुष रहेका छन् ।
प्रदेश १ मा हालसम्म पीसीआर र एन्टिजेन दुवै गरि २ लाख ७३ हजार ४५५ जनामा कोरोनामा कोरोना संक्रमण भएको छ । संक्रिय संक्रमितको संख्या ११७ रहेको छ । कोरोना संक्रमण भएर हालसम्म २ हजार १८७ जनाको मृत्यु भएको छ । मत्यु हुनेमा ७५१ महिला र १४३६ पुरुष रहेको सामाजिक विकास मन्त्रालयले जनाएको छ ।
