_1704867435.jpeg)
विराटनगर: प्रदेश १ मा पछिल्लो २४ घण्टामा थप १० जनामा कोरोना संक्रण पुष्टि भएको छ ।
सामाजिक विकास मन्त्रालयका अनुसार ३३५ जनाको पीसीआर परीक्षण गर्दा ९ जना र १११ जनाको एन्टिजेन परीक्षण गर्दा १ जनामा संक्रमण पुष्टि भएको हो । मन्त्रालयका अनुसार पीसीआर परीक्षणका आधारमा मोरङमा ४, सुनसरी र झापामा २–२, उदयपुरमा १ जनामा संक्रमण देखिएको छ ।
मोरङको विराटनगरमा ४, सुनसरीको दुहवीमा २, झापाको मेचीनगर र दमकमा १–१ र उदयपुरको बेलकामा १ जनामा संक्रमण भएको हो । यसैगरि, प्रदेश १ मा थप ६ जना कोरोना संक्रमणमुक्त भएका छन् । संक्रमणमुक्त हुनेमा ४ महिला र २ पुरुष रहेका छन् । सक्रिय संक्रमितको संख्या ११२ रहेको सामाजिक विकास मन्त्रालयले जनाएको छ ।
