विराटनगर: प्रदेश १ मा पछिल्लो २४ घण्टामा थप १६ जनामा कोरोना संक्रमण भएको छ ।

सामाजिक विकास मन्त्रालयका अनुसार ३३३ जनाको पीसीआर परीक्षण गर्दा १२ र १०७ जनाको एन्टिजेन परीक्षण गर्दा ४ जनामा कोरोना संक्रमण पुष्टि भएको हो । पीसीआर परीक्षणका आधारमा मोरङमा ८, झापा र सुनसरीमा २–२ जनामा संक्रमण भएको हो । 

मोरङको विराटनगरमा ८, झापाको दमक र कमल गाउँपालिकामा १–१, सुनसरीको धरान र भोक्राहानरसिंहमा १–१ जनामा संक्रमण भएको हो । प्रदेश १ मा थप १२ जना कोरोना संक्रमणमुक्त भएका छन् । संक्रमणमुक्त हुनेमा ५ महिला र ७ पुरुष रहेको छन् । सक्रिय संक्रमितको संख्या १३५ रहेको सामाजिक विकास मन्त्रालयले जनाएको छ ।