_1704867435.jpeg)
धरान: विश्व वातावरण दिवस २०२२ को अवसरमा आइतबार बिहान धरानमा वृहत सरसफाई कार्यक्रम तथा साइकल यात्रा भएको छ ।
धरान उपमहानगरपालिकाको वातावरण महाशाखाको आयोजनामा बिहान साइक्लिङ पनि भएको थियो । उक्त साइक्लिङमा मेयर हर्कराज राई (साम्पाङ) र उपमेयर अइन्द्रबिक्रम बेघा पनि सहभागी भएका थिए । उनीहरु पनि धरानका साइक्लिष्टहरुसँगै साइकलमा नगर परिक्रममा गरेका थिए ।
यसैगरि, विभिन्न संघसंस्थाहरुको सहभागितामा भानुचोकदेखि तीनकुनेसम्म कोशी राजमार्ग सडक किनार सरसफाई कार्यक्रम पनि भएको थियो ।
सफा वडालाई पुरस्कृत गर्ने
धरानलाई देशकै सफा र सुन्दर सहर बनाउने आफ्नो सपना भएको मेयर राईले बताएका छन् । उनले आफुलाई सहयोगको खाँचो भएको भन्दै फोहोर फाल्नेलाई प्रहरीमार्फत जरिवाना गरिने बताए ।
मेयर राईले सफा वडालाई पुरस्कारको पनि व्यवस्था गर्ने बताएका छन् । उनले भने,‘पछि गएर पुरस्कारको पनि व्यवस्था गर्नुपर्छ । जुन वडा सबभन्दा सफा हो, त्यसलाई नगरपालिकाले पुरस्कृत गर्नुपर्छ ।’
भिडियो:
