_1704867435.jpeg)
धरान: यही माघ २० गते रिलिज हुन लागेको नेपाली चलचित्र ह्यारी की प्यारीको प्रचारमा धरान आइपुगेका निर्माण तथा कलाकारहरुको टोली बिहिबार बिहानै श्रम सँस्कृति पार्कमा पुगे ।
निशाने दोभानमा बिहान ८ बजे हाँस्य कलाकार मुन्द्रे अर्थात जितु नेपाल, नायिका साम्राज्ञी राज्यलक्ष्मी शाह, विजय वरालसँगै फिल्म ह्यारी की प्यारीका निर्देशक डा.कपिल रिजाल, फिल्मका लेखक तथा कार्यकारी निर्माता सुदिप वराल पनि पुगे । उनीहरुसँगै नेपाल वायु सेवाका क्याप्टेन तथा कलाकार विजय लामा, चर्चित मोडल एलिशा राई र निर्देशक मिलन चाम्स पनि पुगे । क्याप्टेन लामा, मोडल राई र निर्देशक चाम्स भने सुनसरीको झुम्कामा आयोजित आदिबासी चलचित्र महोत्सवमा सहभागी हुन आएका थिए।
कलाकारहरुले मेयर साम्पाङको कामको प्रशंसा मात्र गरेनन्, प्रकृति संरक्षणको अभियानमा समर्थन जनाउदै एक सय वटा रुद्राक्षको विरुवा हस्तान्तरण पनि गरेका थिए । मेयर साम्पाङको कामलाई सम्मान गर्दै विरुवा दिएको कार्यकारी निर्माता वरालले बताए । निर्देशक रिजालले भर्खर रोपिएको विरुवाहरु बषौंसम्म रहने भएकोले मेयरको कामलाई समर्थन जनाउदै विरुवा उपहार दिइएको बताए ।
कलाकारहरुको टोलीले नेपाली चलचित्रलाई माया गर्न आग्रह गर्दै माघ २० गतेदेखि प्रर्दशनमा आउन लागेको फिल्म हेरिदिन पनि आह्वान गरेका थिए । फिल्ममा जितु नेपाल ह्यारी र साम्राज्ञी प्यारीको भुमिकामा छन् । क्याप्टेन विजय लामा, निर्देशक मिलन चाम्स, नायिका साम्राज्ञीले पनि संक्षिप्त मन्तव्य व्यक्त गर्दै फिल्म राम्रो बनेकोले हेरिदिन आम दर्शकहरुलाई आग्रह गरेका थिए ।
मेयर साम्पाङले श्रमदानबाट भएको कामहरुको जानकारी दिदै समाज निर्माण, विकासमा जनताको सहभागिता र स्वास्थ्यलाई फाइदा भइरहेको पनि बताए । साथै उनले फिल्म ह्यारी की प्याराी सन्देशमुलक र राम्रो बनेको अपेक्षा व्यक्त गर्दै उनले पनि नेपाली फिल्मलाई माया गर्नुपर्ने भन्दै हलमा गएर हेरिदिन आग्रह गरेका थिए ।
भिडियो:
