_1704867435.jpeg)
धरान: धरानमा जारी चौथो धरान भेट्रान बिक्रम राई स्मृति फुटबल प्रतियोगितामा दमक लखनपुर भेट्रान फुटबल क्लब क्वार्टरफाइनल प्रवेश गरेको छ।
आइतबार भएको खेलमा विराट मेघा भेट्रान क्लबलाई १–० गोलअन्तरले हराउदै दमक लखनपुर क्वार्टरफाइनल प्रवेश गरेको हो । पहिलो हाफको २५ औं मिनेटमा हर्कबहादुर तामाङले गरेको गोल नै खेलको निर्णायक बन्यो । म्यान अफ दि म्याच घोषित हुदै उनले नगद २१ सय पनि हात पारे ।
आइतबार नै भएको दोस्रो खेलमा जित हात पार्दै रारा भेट्रान क्लब राजारानी धनकुटा सेमीफाइनल प्रवेश गरेको छ । मिल्स भेट्रान क्लब विराटनगरलाई ३–१ गोलअन्तरले हराउदै रारा भेट्रान सेमीफाइनल प्रवेश गरेको हो । राराका विजय राई, सुर्यकुमार लिम्बु र दर्शन भक्तराजले गोल गरेका थिए । मिल्स भेट्रानका विजय डंगोलले गरेको गोल सान्त्वनामा सिमित भएको थियो । उक्त खेलको म्यान अफ दि म्याच राराका दर्शन भक्तराज घोषित हुदै नगद २१ सय हात पारे ।
